ZLAW / Dëmtimet

Dëmtimet më të zakonshme nga aksidentet

Çdo dëmtim dokumentohet ndryshe dhe vlerësohet ndryshe. Ja çfarë duhet të dini për dëmtimet që shohim më shpesh.

Shtrembërimi i qafës (whiplash), shpesh nga goditjet nga pas.

Si dokumentohet: Dhimbjet dhe marramendjet shpesh shfaqen një ose dy ditë pas aksidentit. Vizita e parë mjekësore, rezonanca magnetike dhe fizioterapia janë provat kryesore.
Çfarë ndikon te dëmshpërblimi: Siguruesit e nënvlerësojnë shpesh. Rëndësi ka kohëzgjatja e mjekimit dhe nëse mbeten dhimbje ose kufizime lëvizjeje.

Thyerje të krahëve, këmbëve, brinjëve, legenit ose kyçeve.

Si dokumentohet: Grafitë, epikriza, procesverbali i operacionit dhe raportet e kontrolleve. Ruani të dhënat për materialin e osteosintezës, pllakat ose vidat.
Çfarë ndikon te dëmshpërblimi: Koha e paaftësisë së përkohshme, operacionet e mëvonshme dhe çdo kufizim i përhershëm i lëvizjes ose i forcës.

Tronditje e trurit, hemorragji ose frakturë e kafkës.

Si dokumentohet: Skaneri, konsultat neurologjike dhe kontrollet pasuese. Dhimbjet e kokës, harresa dhe ndryshimet e humorit duhen shënuar te mjeku.
Çfarë ndikon te dëmshpërblimi: Pasojat neurologjike dhe psikike mund të jenë afatgjata, prandaj vlerësimi përfundimtar bëhet pas stabilizimit.

Diskopati, hernie diskale, frakturë rruazash, deri në paralizë.

Si dokumentohet: Rezonanca magnetike, skaneri, raportet neurokirurgjikale dhe ato të rehabilitimit.
Çfarë ndikon te dëmshpërblimi: Janë ndër dëmtimet me shkallën më të lartë të paaftësisë. Për shembull, tabela e humbjes së aftësisë në punë e vlerëson paraplegjinë me 70%.

Menisku, ligamentet kryqëzore, kyçi i këmbës. Të shpeshta te motoristët dhe këmbësorët.

Si dokumentohet: Rezonanca magnetike, artroskopia, raportet e ortopedit dhe të fizioterapisë.
Çfarë ndikon te dëmshpërblimi: Paqëndrueshmëria e gjurit, dhimbja në ecje dhe pamundësia për punë fizike ose sport.

Prerje, djegie, plagë që lënë vragë, sidomos në fytyrë dhe duar.

Si dokumentohet: Fotografi që nga dita e parë dhe gjatë shërimit, raportet e kirurgut dhe çdo ndërhyrje plastike.
Çfarë ndikon te dëmshpërblimi: Shëmtimi është pjesë e dëmit jopasuror. Vendi, madhësia dhe dukshmëria e shenjës kanë rëndësi.

Shpretka, mëlçia, veshkat, mushkëritë, shpesh pa shenja të jashtme.

Si dokumentohet: Ekografia, skaneri, procesverbali i operacionit dhe epikriza.
Çfarë ndikon te dëmshpërblimi: Heqja e një organi ose pasojat afatgjata ndikojnë drejtpërdrejt në shkallën e paaftësisë.

Ankthi, frika nga drejtimi i mjetit, pagjumësia, stresi pas traumës.

Si dokumentohet: Vizitat te psikologu ose psikiatri, me raporte të shkruara. Pa dokumente, këto pasoja nuk vlerësohen.
Çfarë ndikon te dëmshpërblimi: Hyjnë te dëmi moral dhe ekzistencial: si ka ndryshuar jeta juaj e përditshme, në familje dhe në punë.

Si vlerësohet çdo dëmtim

Paaftësia e përkohshme është koha nga aksidenti deri në shërim ose stabilizim. Përcaktohet nga organi shëndetësor kompetent, deri në gjashtë muaj.
Paaftësia e përhershme shprehet në përqindje, sipas tabelës së shkallës së humbjes së aftësisë së përhershme në punë. Zakonisht vlerësohet jo më herët se gjashtë muaj pas dëmtimit.
Kur ka disa dëmtime, përqindjet nuk mblidhen thjesht: e dyta llogaritet me gjysmën e vlerës, e treta me një të katërtën, e kështu me radhë.

Rregullorja e AMF-së nr. 125/2021, nenet 14 dhe 16, dhe tabela nr. 2 e shkallës së humbjes së aftësisë në punë.

Nëse nuk fitojmë, nuk na paguani asgjë. Konsultimi i parë me telefon është pa pagesë.